19:27
Saña
SAÑA

Uçradym söýgiňe — ýitdi özlügim,
Çyndan duýdum söýülmänem, söýmänem.
Gelip, dolduň ähli ýetmezligimi,
Asyl ýaşap bolýan eken köýmänem.

Indi has süýjedi ömrüň tagamy,
Aýdymlary has üýtgeşik serçeleň.
Göwnüme itleriň üýrüşem ajap,
Göwnüme hol kaktuslaram — ter çemen.

Söýýän çogly Güni, söýýän buludy,
Ýagşyny, ýamany söýýän gyradeň.
Dünýäde milliardlap adam ýaşaýar,
A meň üçin olaň sany bire deň.

Gijeler gündiz deý ýap-ýagty indi,
Gündizler gije deý eredip barýar.
Seň söýgiň gussaly Sapaň içinde
Başga bir Sapany döredip barýar.

Güýzüň duýgularyn duýgulam bilen
Bezeýän bolanja yhlasym bilen.
Bir uly YKBALY dünýä getirsin,
Ykbalyň birleşip ykbalym bilen.

Sözüm söz, melegim, artykmaçlygyň
Kemçiligiň bilen bolar gyradeň.
Çünki sen iki däl, on däl, ýüz-müň däl,
Meniň üçin tapylgysyz BIRE deň!

12.11.2016 ý.

Sapa HOMMADOW.


Makalaň WEB çeşmesi


Категория: Goşgular | Просмотров: 64 | Добавил: edebiyatteswiri | Теги: Sapa Hommadow | Рейтинг: 4.0/2
Awtoryň başga makalalary

Goşgular bölümiň başga makalalary

Dünýäñ aýdymy / Goşgular - 03.06.2021
Ырка / Goşgular - 06.03.2021
Durmuş otlusy / Goşgular - 20.03.2021
Goşgular / Goşgular - 09.01.2021
Что ты любовь моя… / Goşgular - 04.04.2021
Gar ýagyp dur... / Goşgular - 12.02.2021
Bir ýerlere gitsem... / Goşgular - 19.01.2021
Nädemde näme? / Goşgular - 14.02.2021
Nyşan / Goşgular - 08.02.2021
Sen meniñ dünýämdiñ? / Goşgular - 22.02.2021



Всего комментариев: 2
0
2 Ahmet   [Материал]
Sapa kaka, gaty haladym.

0
1 mango   [Материал]
Göwnüme itleriň üýrüşem ajap,
Göwnüme hol kaktuslaram — ter çemen.

Gyzyk…

Добавлять комментарии могут только зарегистрированные пользователи.
[ Регистрация | Вход ]