17:13
Durmuş öwrümleri
DURMUŞ ÖWRÜMLERI

Atamyrada

Bu dünýä şeýlebir täsin, gyzykly —
Beýik Taňryň guran beýik binýady.
Oň ýollary çylşyrymly çyzykly,
Hiç bir zat ýok oňa meňzeder ýaly.

Munda her adamyň öz dünýäsi bar,
Pikir etdigiňçe çuňlaşyp barýar.
Şol dünýäde şeýle ajap pursatlar
Hem şeýlebir agyr pursatlar bolýar.

Döredýän adamlaň dünýäsi başga,
Olaň yşky özgerdýär bu dünýäni.
Her söze jan berip hem salyp keşbe,
Altyna çalyşmaz ýeke jümläni.

Olaň yşky — köňülleriň halysy —
Öwşün atýan baharlarda, ýazlarda.
Olaň yşky ýaşaýyşyň manysy
bolup owaz edýär çeşme-çaýlarda.

Aýdyp gidýär olar aýtjak zatlaryn
Sözleň dürün goşup köňül sazyna.
Söýüp dünýäň eşretlerin, şatlygyn,
Maýyl bolýar ynsan köňül ýazyna.

Äkitdimi joşup goşgy okanda
Giden märekäniň edýän şowhunyn?!
Görkezdi ol bu bagtyýar mekanda
Il-ýurda söýgüsin şahyr oglunyň.

Bibi ORAZDURDYÝEWA.




Категория: Goşgular | Просмотров: 51 | Добавил: Hаwеrаn | Теги: Bibi Orazdurdyýewa | Рейтинг: 5.0/1
Awtoryň başga makalalary

Goşgular bölümiň başga makalalary

Howlymyzda / Goşgular - 16.03.2021
Goşgular / Goşgular - 06.04.2021
Toslamalar / Goşgular - 08.02.2021
"Men bir gezek azaşypdym daglarda..." / Goşgular - 07.02.2021
Iki kitap / Goşgular - 03.06.2021
Suw kimin geçdi / Goşgular - 25.05.2021
Bagtyñ suraty / Goşgular - 24.05.2021
Garaşýan / Goşgular - 14.03.2021
Samsyk bilen samsyjak hakda soňlanmadyk ertekiden bölek / Goşgular - 18.03.2021
Perwana / Goşgular - 11.02.2021



Всего комментариев: 1
0
1 mango   [Материал]
Beýik Taňryň guran beýik binýady.
Bu setir “Türkmenbaşyň guran beýik binasy”-ny ýada saldy.

Добавлять комментарии могут только зарегистрированные пользователи.
[ Регистрация | Вход ]