06:44
“Deger ýokdy etsem-petsemlerimde...”
“Geçmişimi iýdim çörege çalyp,
Göwnüm ajyja zat küýsän mahaly.”
Mukam Muhamow


Äht-kasamym ýokdy kimsäň öňünde,
Andam däldi, bar içýänim meýdi meň.
Düýrläp zyňdym ýazjak bolanlarymy,
Zyňşym ýaly arzuwlarmyň meýdinem.

Deger ýokdy etsem-petsemlerimde,
Kör-köpükdi olaryň bar bahasy.
Gülkülermi ýanap iýdim nahara,
Göwnüm ajyja zat küýsän mahaly.

Doglan günüm püre-pürläp bulgury,
Orslar ýaly matam baglap, ýas tutdum.
Gatnaýanym diskoteka bolsa-da,
Diňläp-diňläp, “Keçpelegi” ýat tutdum.

Goh-jenjelden gaça durdum
(Gursagyň
gowgasyndan tapmasamam çykalga),
Assa-ýuwaş öwrenişip bar zada,
Ömri külterledim ýykma-ýykylma.

Güýze, gyşa höwür bolup soň-soňlar,
Küýsemämi goýdum tomus, bahary.
Gussalarmy garyp içdim çaýyma
Göwnüm süýjüje zat küýsän mahaly.

Sapa HOMMADOW.





Категория: Goşgular | Просмотров: 139 | Добавил: Pegas | Теги: Sapa Hommadow | Рейтинг: 5.0/2
Awtoryň başga makalalary

Goşgular bölümiň başga makalalary

Neçüýn söýdüň? / Goşgular - 14.01.2022
Iň mähriban adam / Goşgular - 12.01.2022
Рикша / Goşgular - 11.01.2022
Dünýäde şeýleräk adamlaram kän / Goşgular - 12.01.2022
"Sagat-sagat geçip barýar bu ömür..." / Goşgular - 12.01.2022
Hoş geldiň ylham / Goşgular - 19.01.2022
"Seni göresim gelýär..." / Goşgular - 05.01.2022
Maslahat / Goşgular - 25.01.2022
Gahrymanyň gelni / Goşgular - 14.01.2022
Boljak bolsa, bolýar bolmajak zadam / Goşgular - 18.01.2022



Всего комментариев: 7
0
7 Yusup   [Материал]

0
6 Yusup   [Материал]
Sapa kyn görmeseň habarlaşalyla. Sizden kiçijek haýyş bar!

0
5 Gumlygelin   [Материал]
Tüweleme Sapa!
Hemme gülkiñ süýji bolmaýanyny,hemme gussañ ajy bolmaýanyny gowy beýan edipsiñ.Goý,ajy gülki adamlardan daşda bolsun!Dowamly bolsun!

0
4 agza101   [Материал]
Ajy gülki, süýji gussa. Manylaryň ýer çalyşmagy. Goşgyň ady "Orta ýaş sendromyna giriş" bolup bilerdi. (Hoş gördük, Sapa!)

0
3 mango   [Материал]
Mukam Muham gowy diýipdir.
Ajyja zat küýseseň geçmişiňi çörege çal.
Dowam edip süýjije zat isleseň geljegiňi ballandyryp agzyňa çal….
Ah, göwünjigim, göwünjigim. Aldanmakdan keýp alýan göwünjigim…

0
2 permanh2206   [Материал]
Ustinlik hemraň bolsun awtor

1
1 Hyýalkeş   [Материал]
Sapa awtor, gussalaryñyz süýji bolsa, şatlygyñyz nähilikä diýdirdiñiz :)
Goşgy umuman alanyñda gowy. Ýöne kimdir biriniñ setirini epigraf alanyñda ýazjak goşguñy şonuñ pikrinden başgaçarak ýere eltmeli. Şol setirden esaslanyp seniñem bir açyşyñ bolmaly. Bu goşguda görýänim siz Mukam şahyryñ aýdanlaryndan daşa gidip bilmän şol töwereklerde aýlanypsyñyz. Jemlemäñizem ýene şoña ýanalan.
Barybir goşgy gowy. Üstünlik!

Добавлять комментарии могут только зарегистрированные пользователи.
[ Регистрация | Вход ]