Главная » 2021 » Mart » 20 » Ýene-de bir owadan goşgy
19:23
Ýene-de bir owadan goşgy
ÝENE-DE BIR OWADAN GOŞGY

Başarsaňyz goşgy ýazyň baharda!
Baharda duýgular arassa bolýar.
Yhlas bilen gabagyňy galdyrsaň,
Ýüz däl,
Ýürege-de seretse bolýar.

Başarsaňyz goşgy ýazyň baharda!
O goşgyň ne düýni, ne düýbi bolýar.
Gör, haçandan bäri ýaşap ýör bahar...
Goşgy hem bahar deý müdimi bolýar.

Başarsaňyz goşgy ýazyň baharda!
Baharda ganatsyz galgasaň bolýar.
Akyl-huşuň ýelek ýaly bolsa-da,
Kimiň-kimdigini aňlasaň bolýar.

Aý, garaz, ähli zat owadan bolýar,
Ady gözel, özi gözel jahanda.
Size menden ak ýürekden maslahat:
Başarsaňyz goşgy ýazyň baharda!

Aýgül BAÝADOWA.
Категория: Goşgular | Просмотров: 61 | Добавил: Taryhçy | Теги: Aýgül Garaýewa | Рейтинг: 2.0/1
Всего комментариев: 4
0
4 Jumjume   [Mowzuga geç]
Aýgül,ýürekdeşim ýene bir ajaýyp goşgyñ ün sagbol! Taryhçy sizem sagboluñ!

0
3 Edebiyatcy   [Mowzuga geç]
Başarsaňyz sonet ýazyň baharda biggrin

0
2 nurgeldiyewam232   [Mowzuga geç]
Aýgül Baýadowa diýilýän Aýgül Garaýewa ekenmi?!Menem arada bir toplumyny okap göwnüme laýyk poeziýasy bolan täze şahyr tapdym diýip begenen bolýan.Haý akmak diýsänim. biggrin

0
1 Pegas   [Mowzuga geç]
Bor, Aýgül, başarsak, hökman ýazarys. smile

Имя *:
Email *:
Ähli smaýliklar
Код *: