21:20
Guwlar geçýär amman-amman...
GUWLAR GEÇÝÄR AMMAN-AMMAN...

                              Heý, guwlar, heý sary guwlar gaýduwsyz,
                                          Biziň ilde ýary gören barmydyr...
                                            Gitmäň uzaklara, yza gaýdyň siz,
                                   Söwer ýary ýeke goýan ýarmydyr...
               Heý, guwlar, üzmäň siz aralarňyzy,
Üstüňizden geçýän  näzik  bulut deý.
              Uzaklarda ýar köňlüniň küýsegi,
                                  Ýetilmesiz menzilinden bolup heý.
                                   Heý, guwlar, eý,ýary gören barmydyr,
                                         Bir görmäge zary gören barmydyr.
                                                                                           Ruhumdaky gamgyn ýellerden gaýry,
                                                                                                                       Yklymlarda gamgyn ýeller barmydyr.
            Heý, guwlar,güýz güni merdiwan kibi,
                                    Alyslaryň aýdymyndan gana siz,
                                             Meniň ilim taşlap nirä barýaňyz,
                                 Başga ülkelere,başga ýana siz.
              Heý, guwlar,heý ap-ak guwlar,ak guwlar,
Munda göwni söwer ýardan galan bar.
             Gül didaryn ömür boýy arzuwlap,
                               Garaşsa-da ýar arada ýalan bar.
                                        Heý, guwlar,derdimi kime diýeýin,
                                         Gitmäň,gaýdyň yza,yklymlar söke.
                                    Siz meň köýen arzuwlarma çalymdaş,
                                                                                               Siz bir ak matal ýa ap-ak pelsepe.
             Heý, guwlar,heý ap-ak guwlar,gaýdyň-a,
                                  Size munda gussasyny diýjek bar.
                                       Gygyryp,sam-sary,gamgyn aýdyma,
                              Sizde umytlarny tapyp söýjek bar.
             Daşlaşyp barýaňyz,sesim ýetenok,
Heý, guwlar,ak arzuwlar,arzuwlar...
            Size ýüregimde bir hat galypdyr,
                             Ýar deýin sesimi eşitmedik guwlar...
Категория: Goşgular | Просмотров: 20 | Добавил: Hаwеrаn | Теги: Oguljennet Bäşimowa | Рейтинг: 0.0/0
Всего комментариев: 1
0
1 Selbii   [Mowzuga geç]
Muny näme ters bakdyryp goýupsyñ biggrin

Имя *:
Email *:
Ähli smaýliklar
Код *: