13:00
Goşgy

GOŞGY

Owadan, päkize arzuw-hyýala
Meň ýüregim üýtgemejek watandy.
Bu gün şol paşmadyk arzuwlam üçin
Öz çagalyk ýyllarymdan utandym.

Uzak menzilleriň külpeti hakda
Dek bäş ýyl owalam etmändim pikir.
Ýöne ýamanlaryň duşuşy ýaly,
Oňatlaram duşdy, Hudaýa şükür!

Şükür, ýolda ga:ldyrmady ykbalym,
Köp ýerde ýykyldym, şonça-da turdum.
Hossarsyz bolmadym agyr günlerde
Hem dostsuz bolmadym ýeňletjek derdim.

Setirlem ezilse, duýgulamdandyr,
Gursagymda öýlänçi bar diňmedik.
Şoň üçinmi, köplenç, öz derdim bile
Gamgyn-gamgyn aýdymlary diňledik...



Bilsemem, bilmedik boldum käteler
Aşyma duýgulaň awy gatanny.
Çünki meň ýüregim, ykbalym, dünýäm
Arzuwlara müdimilik watandy.

Sapa HOMMADOW.

Категория: Goşgular | Просмотров: 57 | Добавил: Jeylan | Теги: Sapa Hommadow | Рейтинг: 4.0/1
Всего комментариев: 1
0
1 HALIME   [Mowzuga geç]
Goşguda aýdylan setirleriňe görä, ynamly duýgulaň synmasyn, şahyr!

Имя *:
Email *:
Ähli smaýliklar
Код *: