02:03
Sensiñ...

SENSIÑ...

Zarlama Diýardan durnalar gõçse,
Durnalar derwüşdir dolanmasy bar.
Aglasañ guşganat günlere agla,
Sebäp olar gitmiş dolanmaza ýar.

Oglan başym bibaş yşka ulaşyp,
Agladan günlerim maña dowzahdyr.
Başarsañ bagyşla bagyra dözüp,
Hernä günä geçmek ýene gowrakdyr.

Müñ gözele müñ bir gezek owsunyp,
Barlykda bir seni sõýenim aýan.
Baýdak başym deñ duş içre parladan
Kõşek gõzleriñe dõneýin, maýam!

Salyp saýyl başyn set müñ hyýala,
Diýme: "Kyrkdan soñam toba geleñok"
Seniñ söýgiñ içre bir açyş etdim,
Zanny şahyr kişi söýmän bilenok.

Öz-özüni aldap bilen kişi ýok,
Bir tañla söz aýtsam, bagrymy dilsin.
Şu çal başy bagra basan günüñden
Bäri şu barlykda harlanan dälsiñ.

Şygyrlarymy okap o:tlara düşüp,
Elewreme galyp barýan dek mensiz.
Söýgi hakda ýazan her bir setirim,
Her bir tersoturym, nokadym sensiñ.


Hojaberdi BAÝRAMOW.

Категория: Goşgular | Просмотров: 469 | Добавил: НаS | Теги: Hojaberdi Baýramow | Рейтинг: 4.6/5
Всего комментариев: 0
Имя *:
Email *:
Ähli smaýliklar
Код *: